Славниот пар не престанува да ја интригира јавноста поради разликата во годините.
Мик Џегер и натаму е на одмор во Мајами, а друштво му прават девојката Мелани Хамрик и нивниот син Девар.
Мик и Мелани ретко кога ѝ дозволуваат на јавноста да ги „улови“ заедно, па новите фотографии предизвикале возбуда на социјалните мрежи.
Нивната разлика во годините веќе долго време ја интригира јавноста. Мик, кој е и прадедо, има 78 години, додека пак Мелани има 34 години и значајно е помлада од поголемиот дел на децата на нејзиниот избраник.
Тие двајца се во врска од 2014 година, а условите на нивната врска ги изненадиле луѓето. Имено, пријател на Мик открил дека Мик и Мелани се во отворена врска, што им дава можност да се гледаат и со други луѓе.
Мик тоа свое право го користи наголемо, па така бил во врска со продуцентката Нур Алфала која отворено ја претставил во јавноста и која му била редовна придружба на концертите.
Медиумите пишуваат и дека Мик е обврзан да ѝ плаќа на Мелани по 15.000 долари месечно за да го чува нивниот син. Покрај тоа, тој се обврзал да ги сноси трошоците поврзани за нивниот син за школување до 18-годишна возраст.
