На новинарката од Би-би-си од Ирска, Ема Варди, ѝ се заканува отказ од своите шефови откако се појавила во пародично видео на песната од Queen „I Want to Break Free“, на кое што глуми сексуална сцена со своето момче Арон Адамс.
Видеото го направиле нејзиното момче и пријателите на неговиот аматерски фудбалски клуб, со цел да соберат парични средства за тамошната Национална здравствена служба во борбата против Ковид-19.
На снимката, како што се гледа, новинарката ја пее песната додека нејзиното момче се наоѓа над неа, а тоа не им се допаднало на шефовите од Би-би-си, па побарале од неа да ја избрише снимката, а исто така ѝ испратиле и е-маил, во кој пишувало дека вработените во нивната компанија мора да внимаваат на тоа што објавуваат на социјалните мрежи.
Видеото било објавено на профилот од фудбалскиот клуб, а исто така го објавило и момчето на новинарката:
„Еве го. Четири седмици изолација… Без фудбал и еве што се случува“.
