Челниците на европскиот ракомет денеска го објавија рејтингот на сите европски држави, според кој ќе се одредат учесниците во трите европски натпреварувања во сезоната 2020/21, кога Лигата на шампионите (ЛШ) ќе се игра според нов формат, а ќе се формира и ново натпреварување – Европска ракометна лига (ЕРЛ). На врвот се Франција и Германија, кои со тоа добиваат гарантиранот место во ЛШ и четири претставника во ЕРЛ, а веднаш зад лидерскиот двоец е Македонија, која исто така има загарантирано место во најелитното натпреварување, како и три места за новоформиранта ЕРЛ.
Ова е најдобар пласман на нашата земја на оваа клупска рејтинг листа на ЕХФ, како уште една потврда на добрите игри како на Вардар, така и на Металург кој исто така беше дел од ЛШ во изминативе три сезони од кои се земени резултатите.
Покрај новиот систем на натпревари, со ЕРЛ и преименувањето на актуелниот Челинџ-куп во ЕХФ-куп, промена имами во рангирањето на клубовите. Од оваа листа, резултатите остварени во новиот ЕХФ-куп ќе се рангираат само за тоа натпреварување и обратно, резултатите од ЛШ и од ЕРЛ ќе важат само за рњнкингот во тие конкуренции.
