Американскиот стелт ловец од петта генерација кој што може вертикално да полета и слета – „Ф-35Б“ или “Lightning II”, за прв пат бил испратен во борбена мисија.
Целта на можеби и најдобрата и најмоќна воена летечка машина на денешницата биле позициите на милитантите во Авганистан.
Борбениот лет на овој авион бил изведен од палубата на десантниот брод на американската воена морнарица „Есекс“ кој што може да понесе шест авиони од ваков тип. Претходно, овие ловци учествуваа во извиднички мисии во Сомалија, а потоа биле испратени од Аденскиот залив во северниот дел од Арапското море.
The US Marine Corps' stealth F-35B Lightning fighter jet could fly its first combat mission within days, according to several US defense officials https://t.co/1jc9R10rtJ pic.twitter.com/5MxsxutJNE
— CNN (@CNN) September 26, 2018
Како што соопштија од американското воено воздухопловство, авионот беспрекорно ја извршил својата задача и успешно биле погодени позициите на Талибанците во Авганистан.
Американски „СиЕнЕн“ исто така пренесе дека станува збор за првата борбена мисија на напредниот ловец од петта генерација и на овој начин, поморската пешадија стана првиот „член“ на американската армија кој што ги има употребено овие ловци за воздушни напади.
„Ф-35“ е едномоторен повеќенаменски борбен авион од последната, петта генерација кој што е опремен со стелт технологија, односно има мала видливост кај непријателските радари. Како моментално најмоќен борбен авион на светот, неговата намена е за превласт во воздушниот простор, борба против цели на копно и море, како и за извршување на извиднички мисии.
