Од МВР информираат дека денеска во утринските часови била експлодирана бомба во двор во скопската населба Керамидница.
„Денеска (14.11.2024) во 09.20 ч. во дворно место во населба Керамидница во Скопје била фрлена експлозивна направа. Од експлозијата со повреди се здобил Р.Т., кој е пренесен во ГОБ „Св. Наум Охридски“ за укажување на помош. Се преземаат мерки за расчистување на случајот“, велат од МВР.
Неофицијално дознаваме дека повредениот е Раде Трајковски – Штекли.
