Во светот од корона вирусот досега умреа 14.441 луѓе, а се излекувале 96.958 лица. Една од оздравените е и докторката Клер Герада која за британскиот Дејли мејл ги открила клучните работи кои и помогнале во лекувањето од корона вирусот – парацетамол, пилешка супа и лимонада.
Клер, некогашна шефица на Кралскиот колеџ на лекари по општа пракса, вели дека ова било болно и фрустрирачко искуство.
Докторката вели дека вирусот го “закачила” на работна конференција во Њујорк.
Оваа 60-годишна лекарка имала симптоми карактеристични за Ковид-19: кашлица, умор, воспалено грло, температура и грозница.
Им се јавила на надлежните служби со првите знаци на зараза.
-Знаев дека станува збор за корона вирус, бидејќи јас обично не се разболувам, а сезоната на грипот заврши – објаснува таа.
Откако се тестирала и утврдила дека боледува од корона вирус, д-р Клер морала да оди во карантин.
Во текот на домашното лекување наведува неколку работи кои и помогнале да оздрави, а тоа на прво место се пилешката супа која имала чудесен ефект во враќање на апетитот.
