Вчера беше одржана светската премиера на новиот филм на Квентин Тарантино, “Once Upon a Time in Hollywood” на фестивалот во Кан, а гледачите биле толку воодушевени што го наградиле со 6-минутна овација.
Ѕвездите на деветтиот филм на Тарантино, Леонардо Ди Каприо, Бред Пит и Марго Роби, му се придружиле на режисерот на црвениот тепих пред филмот да добие громогласен аплауз – кој траел шест минути, пишува “Deadline”.
#Cannes2019 showers Leo, Brad and Quentin with a lengthy, enthusiastic standing ovation. #OnceUponATimeinHollywood pic.twitter.com/l2eicYAIq5
— Ramin Setoodeh (@RaminSetoodeh) May 21, 2019
Приказната за златното доба на Холивуд низ призмата на двајцата актери (Ди Каприо и Пит), во време кога светот ја шокирала веста за убиството на актерката Шерон Тејт (Роби) од страна на кланот на Чарлс Менсон, добила бројни пофалби.
Филмот во кој се појавуваат и Ал Пачино, Дакота Фенинг, Лена Данам и други ѕвезди, критичарите веќе го нарекоа најдобриот филм на Квентин од “Pulp Fiction” од 1994 година.
Паралелно со премиерата на филмот на фестивалот, “Sony” го објави и целосниот трејлер на Јутјуб:
Во филмот постхумно ќе се појави и покојниот Лук Пери кој почина на 4-ти март.
